Pas dy orësh diskutim me dyer të mbyllura, është ndërprerë mbledhja e Komisionit Hetimor Parlamentar, i cili po i heton rrethanat e dëbimit të shtetasve turq nga Kosova.

Deputeti i LDK-së, Driton Selmanaj, ka thënë për “Kohën Ditore” se mbledhja pritet të vazhdojë sërish ne orën 16:00.

“Gjatë mbledhjes kishte kërkesa nëse ia vlen të kërkohet t’i vazhdohet mandati komisionit Mirëpo, u morëm vesh që në 16:00 të mblidhemi prapë dhe për disa ore t’i jam vërejtjet e sugjerimet secili. Eventualisht t’i përmirësojmë aty për aty”, ka thënë ai.

Selmanaj ka shtuar se ndryshe nga mbledhjet e tjera, këtë mbledhje është vërejtur një disponim më pozitiv i deputetëve të pushtetit.

“Po shpresojmë që prej orës 16:00 deri në orën 20:00 ta përfundojmë këtë procedurë dhe të mërkurën ta hedhim Draft-raportin në votim”, ka thënë ai.

Mandati i këtij komisioni përfundon këtë të mërkure. Të premten qe kaloi, mbledhja ka dështuar për shkak se kanë munguar deputetët e pushtetit.